ඔබේ ගැටළු වලට පිළිතුරු

ගර්භණී කාලයේ පලතුරු ආහාරයට ගැනිම හොඳයි. කිසිම පලතුරකින් දරුගැබට හානි වෙන බවට වීද්‍යාත්මක සාධක නැහැ.

ඔබට අවසාන වරට ඔසප් වීම ආරම්භ වූ දින සිටයි සති ගනන ගනනය කරන්නේ. මැයි 23 සිට අද දක්වා සති ගනන තමයි ඔබේ ගර්භයේ වයස ලෙස සලකන්නේ. ඒ අනුව ජුලි 23 වන විට සති 8ය දින 5ක් වෙනව.

සමහර සංකූලතා ඇති මවුවරුන්ට ලිංගිකව එක් වීමෙන් වැලකී සිටින ලෙස වෛද්‍ය වරු අවවාද කරනව. ඔබට එවැනි තත්වයක් නැතිනම් ලිංගික සංසර්ගයේ යෙදීමෙන් ගර්භයට හානියක් වෙන්නේ නැහැ.

දඟලන වාර ගනන එක එක බබාට වෙනස්. එම නිසා මෙය සාමාන්‍ය දෙයක් දැයි පැවසීම අපහසුයි. කලින් බබා දැඟලූ ආකාරයට වඩා වෙනසක් දැනේ නම් රෝහලකට ගොස් පරීක්ෂා කරවා ගන්න. CTG පරීක්ෂණයක් සිදු කිරීම සුදුසුයි.

ඔබට වෙනත් සංකූලතාවක් නැතිනම් මෙම කාලයේ දුර ගමනක් යෑමේ ගැටළුවක් නැහැ.

බොහෝ විට මෙය සාමාන්‍ය තත්වයක් විය හැකියි. නමුත් දරු ගැබට හානියක් විය හැකි ගබ්සාවක් වැනි තත්වයන් නිසාත් මේ වගේ රුධිර වහනය සිදු වෙනව. එම නිසා වෛද්‍ය වරයෙකු හමු වී ඉක්මනින් ස්කෑන් පරීක්ෂාවක් කරවා ගන්න.

ගර්භණී කාලයේ‍ෙ සමේ ඇතිවන වෙනස් වීම සහ රුධීර වාහිනී විස්තාරනය වීම නිසා මේ වගේ දැනෙන්න පුළුවන්. වෛද්‍ය වරයෙකු හමුවී ප්‍රතිකාර ලබා ගැනීමෙන් මේ තත්වයට සහනයක් ලබන්න පුළුවන්.

සාමාන්‍ය ලූපයක් (copper IUD) පාවිච්චි කරද්දී මාස 6කට වඩා වැඩි කාලයක් ඔසප්වීම සිදු නොවිනි නම් එය සාමාන්‍ය තත්වයක් නොවෙයි. මෙයට හේතුව දැන ගැනීමට පරීක්ෂණ අවශ්‍යයි. නාරිවේද විශේෂඥ වෛද්‍ය වරයෙකු හමුවී පරීක්ෂා කරවා ගන්න.