ඔබේ ගැටළු වලට පිළිතුරු

මවු කිරි දෙන කාලයේ උපත් පාලන පෙති ගැනීම එතරම් සුදුසු නැහැ. ඔබ කැමති වෙනත් උපත් පාලන ක්‍රමයක් භාවිතා කල හැකියි. නැවත ගැබ් ගැනීම වසර දෙක තුනක් පමා කිරීමට අදහස් කරන්නේ නම් උපත් පාලන ලූපය හෝ හෝමෝන තැත්පතු වැනි ක්‍රමයකට යොමුවීම වඩාත් සුදුසුයි.

කලින් නොතිබුන ආකාරයේ තද වේදනාවක් ඇතිවේ නම් වෛද්‍ය වරයෙකු හමුවී පරීක්ෂාකරවා ගන්න. පරීක්ෂාවකින් තොරව මෙයට පිළිතුරක් දීම අපහසුයි

මෙම කැපුම හැමෝටම අවශ්‍ය වෙන්නේ නැහැ. දරු ප්‍රසූතිය අවස්ථාවේ අවශ්‍ය තාවය මත මෙය සිදු කල යුතු වෙන්නේ හිරිවැටීමට ඖෂධයක් ලබාදීමෙන් අනතුරුවයි. නමුත් තවමත් සමහර රෝහල්වල හිරිවැටීමෙන් තොරව එපිසියොටොමි කැපුම සිදු කරන අවස්ථා තිබෙනව. ඔබ ප්‍රසූතියට යන රෝහලේ මෙම සිදු කරන ආ…

මෙය සාමාන්‍ය තත්වයක්. විවිධ හේතු නිසා දරු ගැබට සති 28ක් පමණ වන තෙක් මවට දරුවගේ චලන අඩුවෙන් දැනෙන අවස්ථා තිබෙනව. ඒ ගැන කලබල වෙන්න අවශ්‍ය නැහැ. නමුත් සති 28න් පසුව චලන අඩුවෙන් දැනේ නම් රෝහලකට ගොස් පරීක්ෂා කරවා ගන්න.

ඔව්. නමුත් මෙය එක් එක් කාන්තාවට වෙනස් වෙනව. නිවැරදිවම බැලිය හැකි වෙන්නේ වරින් වර ස්කෑන් පරීක්ෂණ කිරීමෙන්.

මේ කාලයේ සුළු වේදනාවක් ඇතිවීම සාමාන්‍යයි. නමුත් කලාතුරකින් ගර්භාෂයෙන් පිට දරු ගැබ පිහිටීම නිසා බඩේ වේදනාවක් ඇතිවිය හැකියි. වේදනාව දිගටම තිබේනම් නාරිවේද වෛද්‍ය වරයෙකු හමුවී පරීක්ෂා කරවා ගන්න.

සාමාන්‍යයෙන් ආහාරයට ගන්නා ප්‍රමාණයට ගත්විට මෙම කිසිම ආහාර වර්ගයක් දරුගබට හානි කර වෙන්නේ නැහැ.

සරු කාලය ඇතුලත දෙවරක් පමණ සංසර්ගයේ යෙදීම ගැබ් ගැනීමට ප්‍රමාණවත්. සරුකාලය ගනනය කිරීම අපහසු නම් සතියකට ‍දෙවරක් හෝ තුන්වරක් සංසර්ගයේ යෙදීම ප්‍රමාණවත්.