ඔබේ ගැටළු වලට පිළිතුරු

උදරයේ ප්‍රමාණය වෙනස් වෙන්න පුළුවන්. එය සාමාන්‍ය තත්වයක්. ස්කෑන් පරීක්ෂණ සාමාන්‍ය නම් මේ ගැන බියවිය යුතු නැහැ. ඔබ සඳහන් කරන රෝග ලක්ෂණ මේ කාලයේ ඇතිවෙන සාමාන්‍ය තත්වයන්.

මේ ලක්ෂණ අනුව ගැබ් ගෙන ඇතිදැයි දැනගැනීමට බැහැ. සැකයක් ඇතිනම් මුත්‍රා පරීක්ෂා කර බලන්න.

උපත් පාලනය සඳහා විවිධ ක්‍රම තිබෙනව. නික්ෂේපන, ගිලින පෙති, ලූප්, සම යට තැන් පත් කරන කරල් ඉන් කිහිපයක්. ඔබේ වෛද්‍ය වරයා සමග සාකච්ඡාකර සුදුසු ක්‍රමයක් තෝරා ගන්න.

නැවත රුධිර වහනයක් හෝ වේදනාවක් ඇති නොවේ නම් පරීක්ෂා කිරීමට අවශ්‍ය නැහැ.

ඩිම්බ මේරීම සාමාන්‍ය ලෙස සිදු නොවේ නම් ඒ සඳහා ඖෂධ ප්‍රතිකාර අවශ්‍ය වෙනව. ආහාර පාලනය සහ ව්‍යායාම මගින් ශරීරයේ බර අඩුකර ගැනීමත් ඩිම්බ මේරීමට උපකාරී වෙනව.

ඔබට නැවත ඔසප්වීම බලාපොරොත්තු වෙන දිනය පසුවූ විට ගැබ් ගැනීමක් සිදුවී ඇතිදැයි සැක කරන්න පුළුවන්. එවිට මුත්‍රා හෝ රුධිර පරීක්ෂණයක් කල හැකියි.

ඔබට වේදනාවක් හෝ වෙනත් රෝග ලක්ෂණයක් නොමැති නම් වෛද්‍ය වරයා උපදෙස් දී ඇති පරිදි නැවත ස්කෑන් පරීක්ෂණයකට ලක්වෙන්න. යෝනි මාර්ගය හරහා සිදුකරන ස්කෑන් පරීක්ෂණයකින් මුල් කාලයේ දරුගැබ වඩාත් හොඳින් හඳුනා ගැනීමට හැකියාව තිබෙනව.

මෙයට විවිධ හේතු බලපාන්න පුළුවන්. කිසිම ගැටළුවකින් තොරවත් ගැබ් ගැනීම ප්‍රමාද වෙන අවස්ථා තිබෙනව. ඒ ගැන වැඩිදුර පරීක්ෂණ සිදුකර බැලිය යුතුයි.