ඔබේ ගැටළු වලට පිළිතුරු

ඔබට සාමාන්‍ය පරිදි ගැබ් ගැනීමක් සිදුවී ඇති නිසා හෝමෝන වල අඩුපාඩුවක් ඇතිවීමට ඉඩ අඩුයි. තාවකාලිකව හෝමෝන අසමතුලිතවීම නිසා ඩිම්බ පිට වීම සිදු නොවෙන අවස්තා තිබෙනව. එ් සඳහා සාර්ථක ඖෂධ ප්‍රතිකාර තිබෙනව. නාරිවේද වෛද්‍ය වරයෙකු හමුවී උපදෙස් ලබා ගන්න.

පැලෝපීය නාලයක් ඇලී පැවතුන හොත් එය නිදහස් කිරීමට ලැපරොස්කොපි මගින් හැකියාව තිබෙනව. නමුත් පැලෝපීය නාලයක් ඇතුලත ඇති අවහිරතාවන් ඉවත් කිරීමට ලැපරොස්කොපි මගින් හැකියාවක් නැහැ. එවැනි සමහර අවහිරතාවයන් හිස්ටොරොස්කොපි මගින් නිවැරදි කල හැකියි. එකවර ලැපරොස්කොපි පරීක්ෂණය ස…

සුදු පැහැති ස්‍රාවයන් බොහෝ විට දිලීර ආසාදනයක් නිසා ඇති වෙන්නේ. වතුර වගේ දියරයක් එනව නම් එක කැඩිලද කියල පරීක්ෂා කරවා ගන්න අවශ්‍යයයි. හරියටම දැන ගන්න ඔබේ වෛද්‍ය වරයා හමු වී පරීක්ෂා කරවා ගන්න.

මුත්‍රා පරීක්ෂණය Negative නම් දැනට ඔබ ගර්භණී නොවෙයි. දිගටම ඔසප් වීම සිදු නොවේ නම් වෛද්‍ය වරයෙකු හමු වී පරීක්ෂා කරවා ගන්න.

ටෙස්ටොස්ටෙරෝන් හෝමෝන මට්ටම් අඩු පිරිමි අයට ශුක්‍රාණු නිපදවීම වැඩි කිරීම සඳහා මෙය තවමත් පර්යේෂණ මට්ටමේ පවතින ඖෂධයක්. ශුක්‍රාණු මට්ටම වැඩි කිරීමට පිලිගත් ප්‍රතිකාර ක්‍රමයක් නොවෙයි.

ලැපරොස්කොපි මාර්ගයෙන් ගර්භාෂය ඉවත් කරන සැත්කම සඳහා අවශ්‍ය පහසුකම් ලංකාවේ බොහෝ පුද්ගලික රෝහල් වල සහ සමහර රජයේ රෝහල් වල තිබෙනව. ඔබේ නාරිවේද වෛද්‍ය වරයා මෙම සැත්කම සිදු කරන්නේ දැයි අසා දැන ගන්න.

මෙම ලක්ෂණ බොහෝ හේතු නිසා ඇති වෙන්න පුළුවන්. එමගින් ගර්භණී දැයි දැන ගන්න බැහැ. තව සතියකින් පමණ නැවත මුත්‍රා පරීක්ෂා කර බලන්න.

මේ සඳහා එකෝ පරීක්ෂණයක් කර ඔබේ හෘදයේ දැන් තත්වය පරීක්ෂා කර බැලිය යුතුයි. එකෝ වාර්තාවක් සමග නාරිවේද වෛද්‍ය වරයෙකු හමුවී උපදෙස් ලබා ගන්න.