ඔබේ ගැටළු වලට පිළිතුරු

ලිංගික සම්බන්ධතාවයක් නැතිවත් දිලීර ආසාදන ඇති වෙන්න පුළුවන්. එය ලිංගිකව බෝවෙන රෝගයක් නොවෙයි. පියයුරු වල වේදනාව බොහෝ විට හෝමෝන වෙනස්වීම් නිසා ඇතිවෙන සාමාන්‍ය දෙයක්. තන පුඩු වල කැසීම සමේ තත්වයක් විය හැකි නිසා වෛද්‍ය වරයෙකුට පෙන්වන්න.

දිනපතා මත්පැන් භාවිතය ශුක්‍රාණු වල තත්වය දුර්වල කරන්න පුළුවන් නිසා එය නතර කිරීම සුදුසුයි. නමුත් වසර දෙකක් ප්‍රමාද වී ඇති නිසා හේතුව දැන ගැනීමට දෙදෙනාම පරීක්ෂා කරවා ගත යුතුයි. මුලින්ම ස්වාමියාගේ ශුක්‍ර තරල පරීක්ෂණයක් සහ ඔබේ ස්කෑන් පරීක්ෂණයක් කර ගන්න.

දිනපතා මත්පැන් භාවිතය ශුක්‍රාණු වල තත්වය දුර්වල කරන්න පුළුවන් නිසා එය නතර කිරීම සුදුසුයි. නමුත් වසර දෙකක් ප්‍රමාද වී ඇති නිසා හේතුව දැන ගැනීමට දෙදෙනාම පරීක්ෂා කරවා ගත යුතුයි. මුලින්ම ස්වාමියාගේ ශුක්‍ර තරල පරීක්ෂණයක් සහ ඔබේ ස්කෑන් පරීක්ෂණයක් කර ගන්න.

වසර දෙකක් ඔසප් වීම සිදු නොවීම සාමාන්‍ය තත්වයක් නොවෙයි. බර වැඩිවීම, PCOS, තයිරොයිඩ් හෝ වෙනත් හෝමෝන ගැටළු මෙයට හේතු වෙන්න පුළුවන්. වෛද්‍ය වරයෙකු හමුවී ස්කෑන් සහ හෝමෝන පරීක්ෂණ කරවා ගන්න.

හිමොග්ලොබින් අඩු වීම නිසා හුස්ම ගැනීමේ අපහසුව ඇති වෙන්න පුළුවන්. ඔසප් වීමේදී අධික රුධිර වහනයක් ඇතිනම් එය හිමොග්ලොබින් අඩු වීමට හේතුවක් විය හැකියි. වෛද්‍ය වරයෙකු හමුවී හේතුව සොයා බලා ප්‍රතිකාර ලබා ගන්න.

එන්නත දින කිහිපයක් ප්‍රමාද වූ පමණින් ගැබ් ගැනීමට ඇති ඉඩකඩ ඉතා අඩුයි. හැකි ඉක්මනින් ඊළඟ එන්නත ලබා ගන්න. සැකයක් ඇතිනම් එක්වීමෙන් සති 3කට පසු මුත්‍රා පරීක්ෂා කර බලන්න.

මෙය දිලීර ආසාදනයක්, සමේ රෝගයක් හෝ වෛරස් ආසාදනයක් නිසා ඇතිවෙන ඉන්නන් විය හැකියි. පරීක්ෂා නොකර හරියටම කියන්න බැහැ. ක්‍රීම් වලින් සුව නොවන නිසා නාරිවේද වෛද්‍ය වරයෙකු හමුවී පරීක්ෂා කරවා ගන්න.

කැසීමක් හෝ ගඳක් නැති සුදු ශ්‍රාවයක් සාමාන්‍ය තත්වයක්. නමුත් එක්වීමෙන් පසු ස්වාමියාට කැසීම සහ බිබිලි ඇති වෙනවා නම් දිලීර ආසාදනයක් වෙන්න පුළුවන්. දෙදෙනාම වෛද්‍ය වරයෙකු හමුවී ප්‍රතිකාර ලබා ගන්න.