ඔබේ ගැටළු වලට පිළිතුරු

එක් ඩිම්බ කෝෂයක් පමණක් තිබුණත් ගැබ් ගැනීමට හැකියාව තිබෙනව. සැමියාගේ ශුක්‍රාණු පරීක්ෂණයත් පැලෝපීය නාල අවහිර වී ඇතිදැයි බැලීමත් අවශ්‍යයි. ඒ අනුව ප්‍රතිකාර තීරණය කළ හැකියි.

කිරි දෙන මවකගේ තන පුඩු ඉරිතැලීම බොහෝවිට සිදුවෙන්නෙ දරුවා පියයුරට නිවැරදිව සම්බන්ධ නොවීම නිසයි. පවුල් සෞඛ්‍ය සේවා නිලධාරිනිය හමුවී කිරි දෙන ඉරියව්ව නිවැරදි කර ගන්න. කිරි දෙන්නෙ නැති නම් සමේ රෝගයක් දැයි වෛද්‍ය වරයෙකුට පෙන්වන්න.

පෙති නැවැත්වූ පසු ඔසප් චක්‍රය ක්‍රමවත් වීමට මාස කිහිපයක් ගත වෙන්න පුළුවන්; ඔබේ චක්‍රය දැන් සාමාන්‍යයි. LH strips හැමවිටම නිවැරදි නැහැ. සතියකට දෙවරක් පමණ එක්වීම ප්‍රමාණවත්. අවුරුද්දක් උත්සාහ කළත් ගැබ් නොගත්තොත් වෛද්‍ය වරයෙකු හමුවන්න.

ඩිපෝ එන්නත නැවැත්වූ පසු නැවත ගැබ් ගැනීමට මාස කිහිපයක්, සමහරවිට අවුරුද්දක් පමණ ගත වෙන්න පුළුවන්. එය සාමාන්‍ය තත්වයක්. අවුරුද්දක් ගත වීත් ගැබ් නොගත්තොත් වෛද්‍ය වරයෙකු හමුවන්න.

දුඹුරු පෙති නොබී දිගටම කහ පෙති බීමෙන් හානියක් වෙන්නෙ නැහැ. නමුත් එසේ කරන විට අතරමැද මෙලෙස ලේ යාමක් ඇතිවෙන්න පුළුවන්. කාඩ් එක අවසන් වූ පසු දින 7ක් නවතා ඔසප් වීමට ඉඩ දී නැවත පටන් ගන්න. ඉන් පසුවත් අතරමැද ලේ යාම තිබේනම් ස්කෑන් පරීක්ෂණයක් කර ගන්න.

එහෙම නැහැ. එක් පැලෝපීය නාලයක් ඉවත් කළත් අනෙක් නාලය හරහා දරු පිළිසිඳ ගැනීමට හැකියාව තිබෙනව. ඊළඟ වතාවේ ගැබ් ගත් බව දැනගත් විගස ස්කෑන් පරීක්ෂණයක් කර දරු ගැබ ගර්භාෂය තුළ ඇතිදැයි බලා ගන්න.

මෙය විෂබීජ ආසාදනයක් විය හැකියි. පරීක්ෂා කර බැලීමෙන් තොරව හරියටම කියන්න බැහැ. වෛද්‍ය වරයෙකු හමුවී පරීක්ෂා කරවා ප්‍රතිකාර ලබා ගන්න.

එක් ඩිම්බ කෝෂයක් පමණක් තිබුණත් දරු පිළිසිඳ ගැනීමට බාධාවක් නැහැ. අනෙක් ඩිම්බ කෝෂයේත් ගෙඩියක් ඇති වෙන්න පුළුවන්, නමුත් එය වළක්වා ගන්න ක්‍රමයක් නැහැ. වරින් වර ස්කෑන් පරීක්ෂණයක් කර ගැනීම ප්‍රමාණවත්.