ඔබේ ගැටළු වලට පිළිතුරු

ඔව්. වයස 41දී ගැබ් ගැනීමේ හැකියාව අඩු වුවත් ඔසප් වීම සිදු වෙන තාක් ගැබ් ගැනීමට ඉඩ තිබෙනව. දරුවෙකු අවශ්‍ය නැතිනම් ආර්තවහරණය වෙන තුරු උපත් පාලන ක්‍රමයක් දිගටම භාවිතා කරන්න. ලූපයක් වැනි දිගුකාලීන ක්‍රමයක් ගැනත් සිතා බැලිය හැකියි.

දුර සිට උපදෙස් ලබා ගැනීමට වීඩියෝ මගින් හමුවිය හැකියි. https://sugabi.lk/video-consultation/ 0716921921

මේ සඳහා ඩිම්බ මේරීම උත්තේජනය කරන ඖෂධ පෙති දෙනව. ඒවා ගන්නා අතර ස්කෑන් පරීක්ෂණ මගින් ඩිම්බ මේරීම බලා සරු දින තීරණය කරනව. පෙති වලින් ප්‍රතිඵල නැතිනම් නික්ෂේපන ඖෂධ භාවිතා කරන්න පුළුවන්. බර වැඩි නම් එය අඩු කර ගැනීමත් වැදගත්. https://vog.lk/1035-anovulation.php

එම ඖෂධය නතර කර දින කිහිපයකින්, සමහර විට සතියක් දෙකක් ඇතුලත ඔසප් වීම සිදු වෙනව. එසේ නොවුනහොත් නැවත මුත්‍රා පරීක්ෂා කර බලන්න. ගැබ් ගෙන ඇතිනම් මෙම ඖෂධයෙන් ඔසප් වීමක් ඇති වෙන්නෙ නැහැ. එයත් නෙගටිව් නම් ඔබේ වෛද්‍ය වරයා නැවත හමුවන්න.

බොහෝ විට ගැටළුවක් වෙන්නෙ නැහැ. දැන් ගැබ් ගෙන ඇති නිසා වෛද්‍ය වරයෙකු හමුවී ස්කෑන් පරීක්ෂණයක් කර දරු ගැබ සජීවීද යන බව සහ වෙනත් ගැටළු ඇතිදැයි පරීක්ෂා කරවා ගන්න.

රුධිර සාම්පලයකින් කරන වර්ණදේහ පරීක්ෂණයකින් සමහර ජානමය අසාමාන්‍යතා හඳුනා ගන්න පුළුවන්. නමුත් සියළුම ජානමය තත්වයන් කලින් පරීක්ෂා කර සොයා ගන්න බැහැ. විශේෂ හේතුවක් නැතිව එවැනි පරීක්ෂණයක් අවශ්‍ය වෙන්නෙ නැහැ.

නැහැ. මානසික පීඩනය නිසා ජාන විකෘති වෙන්නෙ නැහැ. ඒ නිසා ඉදිරියේදී ලැබෙන දරුවන්ට එයින් බලපෑමක් වෙන්නෙත් නැහැ. මේ ගැන බිය විය යුතු නැහැ.

ඔසප් වීම ප්‍රමාද වීමට විවිධ හේතු තිබෙනව. සතියකින් නැවත මුත්‍රා පරීක්ෂා කර බලන්න. එය පොසිටිව් වුවහොත් කලින් ගර්භාෂයෙන් පිටත ගැබක් ඇති වූ නිසා වහාම වෛද්‍ය වරයෙකු හමුවී ස්කෑන් පරීක්ෂණයක් කර ගන්න. යටි බඩේ තද වේදනාවක් ඇති වුවහොත් වහාම රෝහලකට යන්න.