ඔබේ ගැටළු වලට පිළිතුරු

සෑම බබාම එක වගේ නැහැ. ඔබට බබා දැඟලීම දිගටම මේ ආකාරයට දැනේ නම් එහි ගැටළුවක් නැහැ. කලින් හොඳට දැඟලීම දැනී එකවර මෙසේ අඩුවී ඇති නම් රෝහලකට ඉක්මනින් ගොස් පරීක්ෂා කරවා ගන්න.

මෙම සේවාව මගින් ඖෂධ නියම කිරීමට නොහැකියි. ඔබේ වෛද්‍ය වරයා හමුවී මේ ගැන උපදෙස් ලබා ගන්න.

නැහැ. ඉන් හානියක් වෙන්නේ නැහැ.

මේ නිසා ඔබට කිසියම් රෝග ලක්ෂණයක් ඇති නොවේ නම් එය ඉවත් කිරීම අත්‍යවශ්‍ය නැහැ. නැවත දරු පිළිසිඳ ගැනීමක් බලා පොරොත්තු නොවේ නම් මෙම ගෙඩිය ගර්භාෂය සමග ලැපරොස්කොපි ක්‍රමයට ඉවත් කිරීම සුදුසුයි.

ගර්භණී කාලයේ වමනය ඕක්කාරය සමග ආමාශයේ අම්ල ගතිය වැඩි වෙන නිසා මෙවැනි රෝග ලක්ෂණ ඇති වෙනව. වෛද්‍ය උපදෙස් මත මෙයට ප්‍රතිකාර ලබා ගන්න.

ඩිම්බ වල ප්‍රමාණය මැනීමට හැකියාවක් නැහැ. ඩිම්බ පිටවීමට පෙර ඇතිවන ෆොලිකල් එකක ප්‍රමානයයි මේ ලෙස පවසන්න ඇත්තේ. ඒවා සෑම මසකම අළුතින් ඇතිවෙනව. එහි ප්‍රමාණය වරින් වර වෙනස් වෙන්න පුළුවන්. මෙය සාමාන්‍ය තත්වයක්.

නැහැ. කැරට් අධික ලෙස ආහාරයට ගැනීම ගර්භණී මවකට සුදුසු නැහැ.

මෙයට හේතු වෙන්නේ ඩිම්බ කෝෂ වලින් මාසිකව ඩිම්බ පිට නොවීම. ඒ නිසා ඔසප්වීම ක්‍රමවත්ව සිදු වෙන්නේ නැහැ. ඔබ ලබා ගන්නා ඖෂධය ඔසප් වීම සිදු නොවෙන විටයි ලබා දෙන්නේ. ප්‍රතිකාර ගෙන ඔබට ගැබ් ගැනීමට හැකියාව තිබෙනව.