ඔබේ ගැටළු වලට පිළිතුරු

මුල් කාලයේ ස්කෑන් සති ගණන අඩු වීමට බොහෝවිට හේතුව ගැබ් ගැනීම ප්‍රමාද වී සිදු වීමයි. ඒ සඳහා ඔබට කළ හැකි දෙයක් නැහැ. සති දෙකකින් පමණ නැවත ස්කෑන් කර වර්ධනය බලා ගන්න.

මෙයට හොඳම ප්‍රතිකාරය බර අඩු කර ගැනීමයි. දිනපතා ව්‍යායාම කර පිෂ්ටය, සීනි සහ තෙල් සහිත ආහාර අඩු කරන්න. බර අඩු වන විට ඔසප් වීම ක්‍රමවත් වෙනව. https://vog.lk/bmi.php

වසර 20කට පෙර කළ සිසේරියන් සැත්කම් වල මැහුම් නිසා දැන් මෙවැනි රෝග ලක්ෂණ ඇති වෙන්නේ නැහැ. ඉකිලියේ හිරිවැටීම සහ පාදයේ වේදනාව බොහෝවිට කොන්දේ ස්නායුවක් තෙරපීම වැනි වෙනත් හේතුවක් නිසා විය හැකියි. වෛද්‍ය වරයෙකු හමුවී පරීක්ෂා කරවා ගන්න.

මෙයට හේතුව ඩිම්බ කෝෂ වලින් මාසිකව ඩිම්බ පිට නොවීමයි. පෙති වලින් ඔසප් වීම ක්‍රමවත් වෙන්නේ ඒවා ගන්නා කාලයේ පමණයි. මාස තුනකට වරක්වත් ඔසප් වීම සිදුවේ නම් දරුවෙකු අපේක්ෂා නොකරන තාක් ප්‍රතිකාර අවශ්‍ය නැහැ. බර වැඩි නම් බර අඩු කර ගන්න. විවාහයෙන් පසු දරුවෙකු අපේක්ෂා කර…

එන්නතෙන් පසු ඩිම්බය පිටවෙන දිනවල සුළු බඩේ රිදීමක් ඇතිවීම සාමාන්‍යයි. දින දෙකක් එක්වීම මග හැරීම ගැටළුවක් නැහැ. වේදනාව වැඩි වේ නම් ඔබේ වෛද්‍ය වරයා හමුවන්න.

වමනය සමග ලේ යනවා නම් ප්‍රමාද නොවී රෝහලට ගොස් පරීක්ෂා කරවා ගන්න. නිතර වමනය යාම නිසා උගුරේ ඇතිවෙන සුළු සීරීමකින් ලේ එන්න පුළුවන්; එයින් දරුවාට හානියක් වෙන්නේ නැහැ. නමුත් සති 20දීත් වමනය පැවතීම සහ ලේ යාම ගැන හේතුව සොයා බැලිය යුතුයි.

ස්කෑන් පරීක්ෂණයකින් ගැබ් ගැනීම තහවුරු කර ගන්න. ලංකාවේ නීතිය අනුව ගැබක් ඉවත් කළ හැක්කේ මවගේ ජීවිතය බේරා ගැනීමට පමණයි. ප්‍රසූතියෙන් පසු දිගුකාලීන උපත් පාලන ක්‍රමයක් යොදා ගන්න.

නැවත නැවත ඇතිවෙන ගෙඩි බොහෝවිට එන්ඩොමෙට්‍රියෝසිස් නිසා ඇතිවෙන ඒවායි. බොහෝවිට ඩිම්බ කෝෂය ඉතිරි කර ගෙඩිය පමණක් ඉවත් කළ හැකියි; එය තීරණය කළ යුත්තේ පරීක්ෂා කිරීමෙන් පසුවයි.